夾公仔機睇落係一隻爪，其實分抓力同托力。抓到唔等於托得到落口。行業說明亦指出，獎品重量、形狀、擺位會令同一部機表現完全唔同。IVY’S 機入面主要兩種貨，所以教學唔可以抄「勾公仔膊頭」嗰套。
投幣前五秒
- 目標係咪已經側咗、露出邊、定係被第二件壓住。
- 爪合埋嘅闊度同獎品尺寸匹唔匹配。
- 獎品去落口嘅路線有冇欄、有冇第二件擋。
- 睇兩三次空爪，感受而家爪力強唔強。強弱會變，唔好當部機永遠同一設定。
- 預先話自己知停手線：娛樂預算用完就停，唔好追。
補中係咩
夾公仔機全世界普遍有出貨週期，行內叫補中：投幣入夠之後就會出一次。呢個唔係「每一次撳都必中」，亦唔會喺網站寫死第幾次先出。讀機仍然有用——判斷而家爪力同擺位——但唔好當部機永遠唔出。
兩種貨，兩篇教學
點樣夾 Pokémon 卡：盒、套、散卡點夾，點解中途滑走。
點樣夾爆旋陀螺：滾、散件、重量。零件含義見零件重量頁。想知陀螺點嚟，去爆旋陀螺歷史。
夾卡教學旁邊亦有Pokémon 卡歷史。
我哋點解公開教
人覺得被呃就唔會再嚟。公開講讀機，唔等於保證每一次都夾中。機有週期、有設定，宿主舖同我哋分角落，網站唔會教人整壞機。想知而家邊部機仲在，去聯絡。